"სულის ქრონიკები და ორი სამყაროს მაგია“

არსებობს კითხვები, რომლებსაც ადრე თუ გვიან ყველა ვუსვამთ საკუთარ თავს: ვინ ვიყავით ამ სხეულში მოსვლამდე, რატომ ავირჩიეთ ეს მშობლები ან რატომ მეორდება ჩვენს ცხოვრებაში ერთი და იგივე პრობლემების წრე. პასუხები ზედაპირზე არ დევს, ისინი ჩაწერილია სულის პირველად ქრონიკებსა და იმ შვიდი თაობის გენეტიკურ კოდში, რომლის ენერგიასაც ყოველდღიურად ვატარებთ. მოხარული ვარ წარმოგიდგინოთ ჩემი ოცწლიანი ოკულტური და ეზოთერული გამოცდილების კულმინაცია — საავტორო, ტრანსფორმაციული სასწავლო კურსი „სულის ქრონიკები და ორი სამყაროს მაგია“, რომელიც ერთ სივრცეში აერთიანებს ღრმა ფსიქო-ფილოსოფიას, აღმოსავლურ ასტრო-ალქიმიასა და პრაქტიკულ მისტიციზმს. ეს არის გზამკვლევი მათთვის, ვისაც სურს გასცდეს სტანდარტულ თეორიებს, მიიღოს მომუშავე ინსტრუმენტები ნატიფ სამყაროებთან უსაფრთხო მუშაობისთვის და გახდეს საკუთარი ბედისწერის სრულუფლებიანი მმართველი. თხუთმეტი მასშტაბური ლექციის განმავლობაში, სადაც თეორია და უნიკალური პრაქტიკული სამუშაო ერთმანეთს ერწყმის, თქვენ შეისწავლით სულის ანატომიას, მის ასაკსა და კოსმიურ ევოლუციას. შეეხებით რეინკარნაციის არქიტექტურას, ბარდოს დერეფნებსა და მუცლადყოფნის პერიოდის მეხსიერებას, რაც დაგეხმარებათ მიმდინარე განსახიერების მთავარი მისიის გაცნობიერებაში. აღმოსავლური ასტრო-ალქიმიის, ჩინური ბა-ძისა და ოცდათვრამეტი მთვარის სასახლის მეშვეობით ისწავლით წინა ცხოვრებიდან გამოყოლილი სტიქიური დეფიციტის გამოთვლასა და კორექციას სრულიად ახალი მეთოდებით, ნუმეროლოგიის გარეშე. განსაკუთრებული ყურადღება დაეთმობა წინაპართა კარმასა და საგვარეულო მატრიცას, სადაც იპოვით, თუ რომელი თაობის ენერგეტიკული ბლოკი ზის თქვენს ჩაკრებში და ჩაატარებთ უძლიერეს ვედურ რიტუალს, პინდა დაანს, საგვარეულო არხების განსაწმენდად. კურსი ასევე მოიცავს მედიუმობისა და ნეკრო-უსაფრთხოების კანონებს, სიზმრებსა და რეალობაში წინაპართა მინიშნებების კითხვას, ავტომატურ წერასა და აურის დამცავი ფარის შექმნას. აკაშის ქრონიკებისა და სხეულის ფიჭური მეხსიერების დახმარებით დაამუშავებთ აუხსნელი შიშების ფსიქოსომატიკას და ისწავლით მომავალი ინკარნაციის შეგნებულ დაპროგრამებას სპეციალური გრაფიკული კოდების, სიგილების საშუალებით.