აურის თვითწმენდის ვედური რიტუალი: ენერგეტიკული ბლოკების მოხსნა და ეთერული ველის რეკონსტრუქცია
ყოველდღიურ ცხოვრებაში ადამიანი მუდმივად ურთიერთქმედებს უამრავ ადამიანთან და გარემოსთან. ეს კონტაქტები ყოველთვის პოზიტიური არ არის. ჩვენს ენერგეტიკულ ველში (აურაში) გროვდება სხვებისგან მიღებული ნეგატიური ემოციები, შური, ბრაზი და ყოფითი სტრესი. დროთა განმავლობაში ეს ენერგეტიკული „ნაგავი“ მძიმდება, ქმნის ბლოკებს, რაც იწვევს ქრონიკულ გადაღლილობას, უხასიათობას, შფოთვას და წარუმატებლობის განცდას. უძველესი ვედური პრაქტიკა გვასწავლის, რომ ისევე როგორც სხეულს სჭირდება ფიზიკური ჰიგიენა, აურას სჭირდება რეგულარული ენერგეტიკული თვითწმენდა.
ეს რიტუალი არის უძველესი, ძალიან ძლიერი და ეფექტური. ის ტარდება კლებადი მთვარის ფაზაში, იდეალურ შემთხვევაში შაბათს (სატურნის დღეს, რომელიც პასუხისმგებელია გათავისუფლებასა და ძველის მოშორებაზე) ან სამშაბათს (მარსის დღეს, რომელიც აქტიურად ანგრევს ნეგატიურ კავშირებს). რიტუალი სრულდება მზის ჩასვლის შემდეგ, როდესაც ბუნებრივი დღის ენერგია ცხრება და ასტრალური წმენდისთვის ხელსაყრელი დრო დგება.
სამუშაოდ დაგჭირდებათ:
მსხვილი, დაუმუშავებელი ზღვის მარილი (1-2 კილოგრამი) — მარილი საუკეთესო ბუნებრივი აბსორბენტია, რომელიც ისრუტავს ნებისმიერ ასტრალურ და ეთერულ ნეგატივს.
მშრალი ბალახების ნაკრები: აბზინდა ან სალბი — ეს მცენარეები ცნობილია თავისი უძლიერესი ანტისეპტიკური და ეგზორცისტული თვისებებით ენერგეტიკულ პლანზე.
ერთი შავი ან მუქი ლურჯი სანთელი — ნეგატივის სიმბოლური შთანთქმისა და განადგურებისთვის.
ნატურალური ეთერზეთი (ევკალიპტი, ფიჭვი ან ლავანდა) — აურის აღდგენისა და დამშვიდებისთვის.
რიტუალის მსვლელობა:
პირველი ეტაპი: სივრცისა და ცეცხლის მომზადება შედით სააბაზანოში (ან ოთახში, სადაც განმარტოვდებით). აანთეთ შავი სანთელი და დადგით უსაფრთხო ადგილას. ცეცხლს შეხედეთ და გონებაში ჩამოაყალიბეთ მკაფიო განზრახვა: „ეს ცეცხლი შთანთქავს და წვავს ყოველგვარ უცხო, მძიმე და დესტრუქციულ ენერგიას ჩემი ველიდან“. მოუკიდეთ ცოტაოდენ მშრალ აბზინდას ან სალბს და მისი კვამლი შემოატარეთ მთელს თქვენს სხეულს თავიდან ფეხებამდე, განსაკუთრებით ხერხემლისა და სახსრების არეში, სადაც ნეგატივი ყველაზე ხშირად ბუდობს.
მეორე ეტაპი: მარილის თერაპია და ლოცვა თუ გაქვთ აბაზანა, აავსეთ თბილი წყლით და ჩაყარეთ მასში მთელი მარილი. თუ აბაზანა არ გაქვთ, მარილი გახსენით დიდ თასში, რათა შხაპის შემდეგ გადაივლოთ.
ჩაჯექით მარილიან წყალში (ან დადექით შხაპის ქვეშ და სველი სხეული მსუბუქად დაიზილეთ მარილით, მოერიდეთ ღია ჭრილობებს). დახუჭეთ თვალები. წარმოიდგინეთ, რომ მარილი და წყალი არის ცოცხალი სტიქიები, რომლებიც თქვენს აურას ეხება. დაიწყეთ სხეულის მსუბუქი მასაჟი და მტკიცედ, ხმამაღლა წარმოთქვით ძლიერი ენერგეტიკული ფორმულა-ლოცვა:
„წყალო და მიწავ, მარილო ძლიერო, გამათავისუფლეთ ყოველივე უცხოსგან, ბოროტისგან და სიმძიმისგან. რაც ჩემზე მოვიდა სხვისი ფიქრით, შურით თუ სიტყვით — ჩამოირეცხოს. რაც ჩემში დაგროვდა შიშით, ბრაზით თუ სისუსტით — დაიშალოს. ყოველი ნეგატიური კავშირი,თვალი და ბლოკი მარილიან წყალს მიაქვს. ჩემი აურა სუფთავდება, ჩემი ველი მთლიანდება. დაე, ასე იყოს!ამი ამინ ამინ“
გაიმეორეთ ეს ლოცვა 9-ჯერ. წარმოიდგინეთ, როგორ ტოვებს თქვენს სხეულს მუქი, ნაცრისფერი ენერგია და როგორ იხსნება წყალში.
მესამე ეტაპი: ჩამორეცხვა და აღდგენა კარგად გადაივლეთ სუფთა, გრილი წყალი. წყლის ჭავლს უყურეთ და თქვით: „სადაც წყალი მიდის, იქ მიდის ყოველივე ცუდიც“. წარმოიდგინეთ, რომ ნეგატივი სამუდამოდ მიდის მიწაში.
გამოსვლის შემდეგ, სხეულზე (მაჯებზე, შუბლზე, გულის არეში) დაიტანეთ ეთერზეთის რამდენიმე წვეთი, რათა დალუქოთ და აღადგინოთ გაწმენდილი აურის საზღვრები. სანთელი დატოვეთ, რომ ბოლომდე დაიწვას (ნარჩენები გადაყარეთ სახლის გარეთ).
ამ რიტუალის შემდეგ იგრძნობთ საოცარ სიმსუბუქეს, თითქოს მხრებიდან მძიმე ლოდი მოგეხსნათ. გონება დაწყნარდება, ძილი გახდება ღრმა და მშვიდი, ხოლო თქვენი ბუნებრივი ენერგეტიკული დაცვა სრულად აღდგება.