სინათლის არხი-დახურული ჯგუფი

დღე – სიმშვიდის დამკვიდრება

ვარჯიში:ვიპარიტა კარანი – ფეხები კედელზე

როგორ:

დაწექი ზურგზე, ფეხები ასწიე კედელზე.

ხელები დაილაგე გვერდებზე.

დახუჭე თვალები და ისუნთქე მსუბუქად 10 წუთი.

მიზანი:

სისხლის მიმოქცევის დაბალანსება, სხეულზე დატვირთვის მოხსნა და ცნობიერების მშვიდი დახურვა.

მეშვიდე დღის სამუშაო კითხვარი

თემა: „ვიღებ ჩემს ახალ სხეულს – გათავისუფლება ძველისგან“

🔹 1. ვინ ვიყავი მე, სანამ ტკივილი დაიწყებოდა და ვინ ვარ დღეს?

გაიხსენე სანამ სხეულმა დაიწყო საუბარი სიმპტომით. როგორი ადამიანი იყავი? როგორ ფიქრობდი, მოქმედებდი, გრძნობდი?

🔹 2. რა ვისწავლე ჩემი ტკივილის საშუალებით?

შეგიძლია დაინახო, რომ ტკივილმა რაღაც გასწავლა? დაასახელე მინიმუმ ერთი შინაგანი განძი, რაც ამ პროცესში მოიპოვე.

🔹 3. ვინ გავხდი ამ შვიდი დღის შემდეგ?

შეგიძლია აღწერო შენს შიგნით მომხდარი ტრანსფორმაცია? რა შეიცვალა მასში, როგორც ხედავ საკუთარ თავს?

🔹 4. რისი დაბრუნება მინდოდა და ახლა უკვე ვგრძნობ, რომ ვიბრუნებ?

თავდაჯერება, ენერგია, ხმა, ნდობა, თავისუფლება – დაასახელე ის, რაც შენს შიგნით მობრუნდა.

🔹 5. რა კავშირი დმყარდა ჩემს სხეულთან – ახლა როგორ ვუსმენ მას?

დაარქვი სახელი ამ ურთიერთობას – მეგობრობაა? პატივისცემა? თანაგრძნობა?

🔹 6. ვის ან რას ვპატიობ დღეს, რათა თავი დავაღწიო საბოლოოდ ტკივილის?

დაწერე კონკრეტულად – ადამიანიც შეიძლება იყოს, ცხოვრების ეტაპიც ან საკუთარი თავი.

🔹 7. რომელი ემოცია მაკავშირებდა ტკივილთან და დღეს ვიწყებ მის გაშვებას?

სევდა? ბრაზი? დანაშაულის გრძნობა? დააწერე მისი ფერი, სუნი, ფორმა – და წარმოიდგინე, როგორ მიდის ის სხეულიდან.

🔹 8. რა უნდა მეთქვა ჩემი სხეულისთვის მთელი ეს წლები – და მე ვერ ვუთხარი?

დაწერე ეს ფრაზა. ხმამაღლა ან დღიურში. სიტყვა, რომელიც დაგაკლდა. ახლა მას უშვებ.

🔹 9. რა ხდება ჩემს შიგნით ახლა – როცა ამ კითხვებზე გულწრფელად ვპასუხობ?

სხეულში შეგრძნება. ემოცია. ფერი. ღიმილი. ცრემლი. დაწერე.

🔹 10. როგორი ვიქნები, როცა ვცხოვრობ უკვე განკურნებული მე-ს რეალობაში?

დაწერე თითქოს უკვე ხარ ის – ვისაც მთელი ეს გზა მიჰყავდა საკუთარ სულთან.

💠 დასკვნითი რიტუალური დავალება:

📜 დაუწერე წერილი საკუთარ ძველ მეს– იმას, ვინც ტკივილს ატარებდა, ვისაც უჭირდა, ვინც წარსულში ცხოვრობდა.

ამის შემდეგ დაწვი ან დახიე მცირე ნაჭრებად წერილი — როგორც გათავისუფლების რიტუალი.და მიმოფანტე მიწაზე.

შენ უკვე არ ხარ იგივე. მეშვიდე დღე – ეს არის დაბრუნება შენს ახალ სხეულში. დაე, ეს იყოს შენს გზაზე სიბრძნით გაჯერებული აღდგომა.